On Air :Nepal Darpan (News) UNN
Up Next :Songs+Add

रमाइलो

गायिका अञ्जुपन्त संग बार्षिकोत्सव कार्यक्रममा कम्मर मर्काउदै एफ.एम.का उपाध्यक्ष

Studio

RJ Bindu MAhima

पहिलो बार्षिकउत्सब कार्यक्रम

कार्यक्रम सञ्चालन गर्दै आरजे तथा बजार ब्यावस्थापक खविन लुइटेल

पहिलो बार्षिकउत्सब कार्यक्रम

याक्थुम्हाङ मिडिया प्रालिका अध्यक्ष तेज कुरुम्वाङ र उपाध्यक्ष हस्त तामाङ तत्कालिन प्रजिअ संग पहिलो

Team

Radio Staffs.

फिदिम बजार

पाँचथरकाे सदरमुकाम फिदिम बजार

चुम्लुङ स्थापना दिवशमा विविध कार्यक्रम

इगल समाचारदाता । पाँचथर । १८ भदौ
लिम्बू जातिको साझा सामाजिक संस्था किरात याक्थुङ चुम्लुङको २९ औं स्थापना दिवश चुम्लुङ पाँचथर शाखाले पनि शनिबार विविध कार्यक्रम गरी मनाएको छ । 
 
फिदिम बजारको शनिबारे स्थित चुम्लुङहीममा आयोजित कार्यक्रमको उद्घाटन प्रमुख अतिथि चुम्लुङका केन्द्रीय उपाध्यक्ष मलिशा याक्थुङ्बा, बिशेष अतिथि वरिष्ठ संरक्षक सदस्य राजेन्द्र कुमार जवेगु र पूर्व केन्द्रीय सचिव नरेन्द्र कुमार केरुङले संयुक्त रुपमा पक्लुङ (छेलो) हानेर गरेका थिए । २९ औं स्थापना दिवशको अवशरमा शाखाले जिल्लामा रहेर भाषा–साहित्य र सँस्कृतिको क्षेत्रमा योगदान दिने दीलेन्द्र कुरुम्बाङ र पत्रकार कबिन्द्र शेर्मालाई सम्मान गरेको छ । दुुबै जनालाई कार्यक्रमका प्रमुख अतिथि याक्थुङ्बाले सम्मान–पत्र सहित दोसल्ला ओढाएर सम्मान गरेका थिए ।
 
सोही अवशरमा चुम्लुङले स्थापना गरेको याक्थुङ सहयोग कोषबाट प्राप्त बिद्यार्थी प्रोत्साहन छात्रवृति समेत वितरण गरिएको छ । उक्त छात्रवृति जिल्लाको गुहेश्वरी आधारभूत विद्यालय स्याबरुम्बाकी फूलकुमारी चेम्जोङ, नांगीन आधारभूत विद्यायलयका किरण मेयोङबा, सरस्वती मावि मेमेङकी लीला साँवा र जनकल्याण मावि फाक्तेपका निर्दोष चेम्जोङलाई जनही दुई–दुई हजार रुपैंयाँ प्रदान गरिएको थियो । यसै गरी चुम्लुङ इजरायलले उपलब्ध गराएको गरीब जेहेन्दार विद्यार्थी छात्रवृति फाल्गुनन्द गाउँपालिका स्थित सत्यहाङमा मावि इम्बुङ कक्षा तीनमा अध्ययनरत सहना नेम्बाङलाई आठ हजार र खेममाया सिंगक स्मृति पुरस्कार सोही विद्यालयको कक्षा–१२ मा अध्ययनरत ज्योति लिम्बूलाई दश हजार रुपैंयाँ प्रदान गरिएको थियो ।
 
कार्यक्रममा चुम्लुङ पाँचथरले निर्माण गरिरहेको चुम्लुङहीम निर्माणको लागि आर्थिक सहयोग गर्ने चुम्लुङ बहराइन शाखा, दक्षिण कोरिया शाखा, ललीतपुर शाखा लगायत विभिन्न ब्यक्तिहरुलाई कदर–पत्र वितरण गरिएको थियो । सोही अवशरमा चुम्लुङ पाँचथरका सदस्य सुवाश तुम्बापोले याक्थुङ पान् (लिम्बू भाषा) विकास बारे प्रश्तावना प्रस्तुत गरेका थिए । उक्त प्रश्तावनामा लिम्बू भाषा विकासको लागि जिल्लाको सबै विद्यालयहरुमा लिम्बू भाषा पठन–पाठन गर्ने, गराउँने वातावरण निर्माण गरिनुपर्ने, जसका लागि पाठ्य पुस्तक निर्माण गरिनुपर्ने लगायतका प्रश्ताव गरिएको थियो ।
 
जिल्लास्थित जातीय संघ–संस्थाका प्रमुख तथा प्रतिनिधि, बुद्धिजीवि र पत्रकारहरुको सहभागिता रहेको कार्यक्रममा केःलाङ साँस्कृतिक समाज पाँचथरका कलाकारहरुले केःलाङ (च्याबु्रङ नाच) प्रस्तुत गरेका थिए । कार्यक्रम चुम्लुङका केन्द्रीय उपाध्यक्ष मलिशा याक्थुङ्बाको प्रमुख आतिथ्यता र चुम्लुङ पाँचथरका अध्यक्ष नरेन्द्रराज केरुङको अध्यक्षतामा सम्पन्न भएको कोषाध्यक्ष युन्छोहाङमा तुम्बापोले बताइन् ।
 

Public Poll

Loading...