गजल

SITENAME

                                                                 –फबिन तुम्बापो 


अलिकति ठिक धेरै, बेठिक भएका छन्,
मान्छे नै मान्छेको, मालिक भएका छन् ।

 

क्रान्ति बाँकि छ अझै, नसम्झ सकियो यहीं, 
यहाँ शोषण–दमन, अधिक भएका छन् ।

 

सम्झ ! जब रित्तो हुन्छौ, टाढिने छन् सप्पै–सप्पै, 
जो–जो अहिले तिम्रो, नजिक भएका छन् ।

 

थाहा पा’को हो ‘फबिन’ले, फेसबुक हेरेर, 
थुप्रै गोबरगणेशहरु, वैज्ञानिक भएका छन् ।

 

बाबुकै सामुन्ने लुटिन्छ, छोरीको अस्मिता,
यस्ता घटना अचेल, स्वभाविक भएका छन् ।

 

देशलाई दिन सकेनन्, वा देशले दिन सकेन,
डिग्री पढ्ने युवा मुग्लानी, श्रमिक भएका छन् ।

 

जसले फाड्यो यो भूमिमा, भस्मे खोरिया,
आज तिनै यो देशमा, अनागरिक भएका छन् ।

 

                                                               फिदिम नपा–५, चोकमागु पाँचथर
 

प्रतिकृया दिनुहोस
SITENAME

एक पहाड आस्था

                                                          –पुष्पहाङ लोवा मेरो हजुर ! तर्नुहुन्छ भनेर बल्ल बल्ल जोडेको पुल झर्न