सागमा अन्तिम सेकेण्डमा भारतविरुद्ध गोल गरेर हिरो बनेका थिए मणि शाह

SITENAME

 उपचारका क्रममा निधन भएका मणि शाह नेपाली फुटबलकै अभूतपूर्व प्रतिभा हुन् । 

उनीजस्तो मिडफिल्डर अहिलेसम्म नेपाली फुटबलले पाएको छैन भन्दछन् नेपाली फुटबल विश्लेषकहरु । उनी अहिलेसम्मकै उत्कृष्ट प्लेमेकर हुन् । मणिसँग बल ड्रिबिङ, पेनाल्टी एरियाबाट फिनिसिङका लागि माहिर र विपक्षीलाई कन्ट्रोलमा राख्न सक्ने खुबीको प्रशंसा अहिले पनि हुने गर्छ । सायद त्यसैले होला उनलाई समकालीन महान अर्जेन्टिनी खेलाडी डिएगो म्याराडोनासँग तुलना गरिएको थियो ।
 
सन् १९६७ मा काठमाडौंको कालधारामा जन्मिएका मणिको परिवार खेलकुद पृष्ठभूमिको थियो ।  बुवा लक्ष्मणविक्रम शाह पनि फुटबलर थिए । राष्ट्रिय खेलकुद परिषद्का प्रशिक्षक रहेका लक्ष्मणविक्रम शाहको प्रेरणाका कारण उनले पनि फुटबल खेल्न थालेका हुन् ।  
 
मणिले सानै उमेरदेखि फुटबलसँग परिचित थिए । फुटबल विश्लेषक सञ्जीव मिश्र मणि शाहलाई दक्षिण एसियाली भन्दा उपल्लो दर्जाको खेलाडीको रुपमा मान्छन् । ‘उनी नेपालले पाएको अहिलेसम्मकै शानदार फुटबलर हुन् । मैदानभित्र उनी जसरी खेल्थे त्यस्तो खेल अहिलेसम्म मैले अरु नेपाली फुटबलरमा देखेको छैन ।’ मिश्रले भने ।
 
नेपालले १९८१ मा फिफा र एएफसीको सदस्यता पाएपछि अन्तर्राष्ट्रिय प्रतियोगिताहरुमा सहभागिता जनाउन थालेको हो । सन् १९८३ मा थाइल्याण्डको बैंककमा भएको यू–१३ प्रिन्सेस कपमा नेपाली राष्ट्रिय टोलीबाट उनले प्रतिनिधित्व गरेका हुन् ।
 
१९८३ मा थाइल्याण्डको बैंककमा भएको यू–१३ प्रिन्सेस कपमा राष्ट्रिय टोलीबाट पर्नुअघि मणि शाहले १३ वर्षको उमेरमै ठमेल–११ क्लवबाट बी डिभिजन लिग खेलेका थिए ।
 
प्रिन्सेस कप खेलेर फर्किएपछि उनी मनाङ मर्स्याङदी क्लबमा आबद्ध भए । थ्रीस्टारसँगको झगडामा ठमेल–११ प्रतिबन्धमा परेपछि खोलिएको मनाङले डी, सी, बी जितेर ए डिभिजनमा आएको पहिलो सिजनमै च्याम्पियन बनाउन शाहको योगदान उल्लेख्य थियो ।
 
त्यसको २ वर्षपछि नै शाहले १७ वर्षको उमेरमा नेपाली राष्ट्रिय टोलीमा परेका हुन् ।
 
सन् १९९३ को साग गेम्स अन्तर्गत फुटबलमा गरेको प्रदर्शनले उनलाई राष्ट्रिय हिरो बनाइदियो । समूह चरणमा घरेलु टोली बंगलादेश र फाइनलमा भारतलाई पेनाल्टीमा हराउँदा मणि शाहको योगदान उल्लेख्य थियो । फाइनलमा भारतविरुद्ध अन्तिम सेकेण्डमा बराबरी गोल र पेनाल्टीमा अविस्मरणीय ५–४ को जित निकाल्दा मणि शाह नेपाली हिरो बनेका थिए ।
 
उनले सन् १९९८ को बैंकक एशियाडमा नेपालको झण्डा बोक्ने सौभाग्य पाएका थिए । फुटबलबाट एशियाली खेलकुदमा झण्डा बोक्ने उनी एक्ला हुन् ।
 
मिडफिल्ड र स्ट्राइकर दुवै पोजिसनमा फिट हुने उनलाई प्रशिक्षकले आवश्यकता अनुसार खेलाउँथे । (उज्यालोबाट)

प्रतिकृया दिनुहोस

असोज ३ देखि ए डिभिजन लिग, १४ टिम सहभागी हुने

 लामो समयदेखि सञ्चालन हुन नसकेको ए डिभिजन लिग आउँदो असोज ३ गतेदेखि हुने भएको छ । अखिल नेपाल फुटबल संघ एन्फा अन्तर्गतको एन्फा लिग कमिटीले आज लिगको

SITENAME

प्रथम सभामुख कप भलिबल प्रतियोगितामा विभागगिय टिमको वर्चश्व कायमै

रोल्पामा जारि प्रथम सभामुख कप भलिबल प्रतियोगिताको दोस्रो दिन आइतबार पनि विभागीय टोलीले वर्चश्व कायमै राखेका छन् ।  विभागका तीनै टोली त्रिभुवन

SITENAME

गोलकिपर किरणले राखे ‘बर्डीगार्ड’

सामान्यता नेपाली खेलाडीले सुरक्षाका लागि बर्र्डीगार्ड राख्ने चलन छैन । तर, राष्ट्रिय फुटबल टोलीका गोलकिपर किरण चेम्जोङले भने आफ्नो सुरक्षाका लागि